احضنى

احضنى 

بين عيونك خبينى وم الدنيا خدنى 

كتير وانا ف حضنك بنسى حزنى 

وببتدى اعيش واحس بكونى 

احضنى 

ده بقالى سنين بتمنى عنيك 

وكل منايا اكون وياك 

وحلم عمرى ان ابقى ليك 

وياه لو تصدقى انى 

بعشق سكوتك كلامك صوتك 

حتى همسك وانت بتغنى 

بس احضنى 

لانى كتير بكون محتاج ليك 

محتاج لمسة ايدك ونظرة عنيك 

وبفرح قوى وانا وياك 

وبخاف جدا لما ببقى مش شايفاك 

بس احضنى 

ده لحظة بين احضانك تسوى دنيا 

لحظة حنية منك تسوى الدنيا ديا 

دانتا جوى قلبى ونور عنيا 

انا بحبك 

بحبك جدا , حب حقيقى ملوش زى 

بحبك انت النهارده وبكره والعمر اللى جاى 

بحبك لانى بحبك لسه عايش لسه حى 

ضمنى ف حضنك ثوانى 

عيشنى ف حضنك عمر تانى 

نجوم وغرام وكلام وامانى 

ايوه حبيبى حلم عمرى انى ابقى ليك 

ولما اموت 

اموت حبيبى وانت بتضمنى وتحضنى 

احضنى حبيبى

تعرفى

تعرفى
حتى كلامك مهما احس بجرحه ,,, بحبه
حتى سلامك لحظة فراقى ,,,,,,,,,,بحبه
حتى هدوئك لحظة ماتبقى لغيرى,,, بحبه
بحبك حتى وانتى بتكدبى
بحبك لما تنوى تسهرى
تفكرى ف غيرى وتبوحى بحبه
وده غصب عنى
بحبك ف كل حالاتك وتصرفاتك
مع انى عارف
ان انا ولا اى حاجة ف حياتك
وبكره لما هايجى
عارفه بكره لما هايجى
انا هابقى ولا اى كلمة ف ذكرياتك
بس حتى شعورك ده بحبه
بحبك لانك كده ,,, ومش عايزك تتغيرى
ليه تحتارى ,,, ليه تتعبى ,,, ليه تدورى
حتى شعورك لما تيأسى بحبه
حتى كلامك لما يبقى غصب عنك
وانتى معايا برده بحبه
بحبه لانه منك
واللى يجي من حبيبى حبيبي
حتى لو كلامك جرح
انا راضى حتى لو انتى مش نصيبى

مسيرنا ف يوم هانتحاسب

اللى انت عايزه اعمله ولا تحاسب
ومسيرنا انا وانت ف يوم هانتحاسب
وهانشوف مين فين كان اجدع م التانى
مين فينا كان انسان وماكنش انانى
بس ساعتها
هاتشوف منى انسان غير اللى انت تعرفه
انسان قاسى , انسان جارح
انسان مفيش فى الدنيا دى حاجة تخوفه
وهارد جرحى بالف جرح والف دمعه
وهاتشكى مرى للى قابلك والدنيا سامعه
وماحدش هايمد ايده يداوى جرحك
ومفيش بينى وبينك رجعه
بس ساعتها وربى لازم تبكى عنيك
لازم تشكى مرار يلم الدنيا بحالها عليك
وانا مش هارضى ولا يوم هارحم
دانا هازود جرحك نار بتدمر فيك
وخليك فاكر
بينى وبينك يوم لازم نتحاسب
وكل دقيقة حزنت انا فيها
لازم تفضل كل دقيقة عليها تتحاسب
ومش هاسيبك ولا هارميك
لا دانا هافضل واقف اشمت فيك
اضحك قوى واتهنى وانتى بتبكى
وانت عشان كداب عمال بتشكى
بس مين هايسمعك
كان مين فى الدنيا دي بيشيلك قدى
وعشان كداب لازم يشمت فيك الخلق
وانا علشان كنت الانسان هاخد الحق
وهايترجى الكل عيونى تسامحك وانا هاتكبر
ده اللى زيك ف الدنيا دى يستاهل الحرق

مليش غيرك يارب ارمى حمولى عليه
ف عز حمولى وتعبى قلبى انت حاسس بيه
بشكيلك همى تقوينى
وف عز خوفى بتحمينى
ولما تضيق الدنيا ف عنيا اقول يارب
تنور الدنيا تانى ف عيونى
مليش غيرك يارب اطمن ف قربه
غفرت عيوبى وسترت على قلبى ذنبه
وانت الوحيد يارب اللى من كل قلبى بحبه
ف عز جراحى ويايا
حاسس بجرحى وقسايا
ووقت الشدة ويايا
بترعانى بعطفك وحنيتك
مابقاش ف الدنيا غيرك اجيله حزين
يشد ايدا يحمينى ويعدى الحنين
وابعد عنك واقرب تنادينى ياعبدى
ملكش غيرى يحميك من السنين
مليش غيرك يارب افضفضله وماخفش
معاك غيرك اكيد بكدب ومعاك ابدا ماكدبش
سميع عليم كريم رحيم
وانا من غير رحمتك وكرمك يارب ماعشش
يارب
اديا مفرودة بتتمنا رضاك
بتسالك يارب عن رحمتك وعفوك ورضاك
مليش ف الدنيا غيرك يارب ارمى حمولى عليه
ف عز حمولى وتعبى قلبى انت حاسس بيه

أه يامراة سحرتنى
جعلتنى احمل الوانى
جعلتنى افضح تاريخى
واترك مرفأ احزانى
حملتنى عيناكى لكونا
لا يشبه تلك الازمانى
لا يعرف للكون جذور
لا يذكر حتى عنوانى
فانا مخلوق مسكين
بملامح تشبه انسان
انسان لم يعرف يوما
معنى الافراح بنيسان
حتى حملتنى عيناكى
اسراب مثل الدخانى
لا املك من كونى الا
نظرة عينيكى ودخانى
ارقبها فاشعر انى
باجمل جو اسبانى
ماذا اقول
ماذا اقول فى عينيكى
احبكى حب اعمانى
عيناكى حقا ظاهرة
تحتاج لعالم اكواني
ليفسر سر جمالهما
ويفسر سر ايمانى
يجعلنى افهمنى حتى
لا تاتى نيرانى بنيرانى
لا اعلم من كونى الا
ذكرى تقبل نسيانى
الا عيناكى تشغلنى
تزيد يقينى وايمانى
لكنى لا املك امري
لا املك غير الاحزان
ولن اجعل يوما عيناكى
مرفأ لسفينة احزاني
ماذا اهديكى سيدتى
غير الاحلام بألواني
لو املك شيئا اعطيكى
لأعطيتك قلبى ووجداني
لكنى لا اعلم سيدتى
قلبك هل يرضى بأغصانى
هل يقبل ان يسمع منى
وقد اعلن بالامش العصياني
اعطيكى عمرى فاستمعى
اهواكى حتى النسياني
لو ان الموت سيبعدني
ساموت وعينيكى عنوانى
يكفينى ان تقبل انى
ساكون فوق الاغصانى
انظر عينيكى فأنسدل
من شدة جمال اعياني
احبكى
احبكى سيدتى
لا ترضى بالموت مكانى
فكثيرا جدا قد ارحل
واعود فانتى العنوانى
عينيكى مدنى وبلادى
وعيونك انتى عنوانى
سيدتى

لحظة تفكير

تتغير الادوار ويتبدل التفكير ويمسى من كان حبيب الامس لاشىء اليوم 

ويمسى من كان لا شىء الامس كما هو لا شىء اليوم 

فاكثيرا بعدما يخلع كل منا نظارة الهدوء ويرتدى صهوة جواد الغضب ويجمح بخياله يفكر

 قليلا يكتشف انه كم قدرا بشرا لا يستحقون التقدير وكم اعطى من صدقه الى بشر لا

 يستحقون الصدق 

انها المعادلة الصعبة الا تندفع وراء غضبك ولا تجعل من ما لا يساوى شخصا مهم 

ولن احاول ابدا 

ان اجمع بقايا طعام تركه كلب ورحل عنه 

فانتا مازلت اسمى واعز من ان تجمع يقايا الكلاب